AJA NANGIS, INDONESIA*

[Akhudiat]


beja cilaka gilir-gumanti
aja nangis, indonesia
tuna lan bathi gilir-gumanti
aja nangis, indonesia

jaya lan ambruk gilir-gumanti
aja nangis, indonesia

legi lan pait
susah lan seneng
lara-lapa lan bagya-mulya
luwe lan wareg
gilir gumanti
aja nangis, indonesia

ora ana pasa selawase
ora ana andrawina selawase

andrawina bakal ditagih ongkos kenikmatane
dene pasa bakal nemokake dina riyayane

aja nangis, indonesia
guyu lan tangis gilir gumanti


Surabaya, 01 Januari 2005

*) dijarwakake dening Bonari