Isih perkara udan
kang tumiba saka langit wengi iki
durung kober anggonku nguntabake rasa pangrasa
ing sawijining gurit
Ya, gurit kang bakal kagawa mega-mega mendhung
medhar rasa batinku marang sliramu
janma endah tan bisa dadi duweku
Isih perkara udan
kang durung kober dakgurit
mung wewayanganmu kang tansah jejogedan
ing langit pikirku
Kapang-kapang
Nyedhak
Saya nyedhak
Cedhak
Banjur ilang sakeplasan
Isih perkara udan
kang durung bisa daktulis dadi gurit
jalaran mlathi isih angambar-ambar
ing lemah teles iki
Kendal, 121112
20:49
*gambar: http://2.bp.blogspot.com
0 comments:
Post a Comment